طريقة عمل محشى ورق عنب وجزر وفلفل
المقادير:زيت جزر ارز خضره -توابل فلفل بصل طماطم
لطبخ: هنعمل الخلطه : ولنجاح خلطه المحشى عاوزين توابل كتير -- خضره وافيه وبصل
انا بعمل الخلطه متسبكه
بجيب الحله على النار واحط فيها زيت ( مش بحط سمن عشان مش يجلد )
بعد ما الزيت يسخن شويه اكون ضاربه الطماطم فى الخلاط واسقطها فى الحله
قرب التسبيك بكون بشرت بصل كتير واحط عليه التوابل كلها ( ملح - فلفل - بهارات - كمون ) اهم حاجه انك تقلبى بايدك خلطه البصل بالتوابل وتشمى احلى ريحه بقى
وبعدين اضيفها للصلصه على النار واقلب كويس
اهى لما اتسبكت شايفين جميله ازاى ما شاء الله
ببدأ قطع الخضره قطع صغيره اوى ( فى المحشى كترى من الشبت والكسبره وقللى من البقدونس يعنى كفايه حزمة بقدونس واحده والباقى شبت وكسبره واضيف على الخضره رشه نعناع ناشف بيدى ريحه تجنن واضيفهم للصلصه واقلب تقلبتين على النار واطفى . واسيبه يبرد عشان ابدأ الحشو .
فى الوقت ده هسلق ورق العنب وفيه تكه بعملها ان بحط فى ميه السلق شويه زيت ونص لمونه لو ربع كيلو ولمونه كامله لو اكتر ( الزيت بيدى لامعه للورق العنب والليمون بيدى مزازه جميله فى الطعم .
بعد ما خلصت سلق ببدأ احط الرز للخلطه
عبدأ احشى ورق العنب وارص فى الحله والورقه الكبيره اقطعها اتنين
بعد ما بتخلصى رص الحله فيه تكه تانيه بعملها بزود شوربه طبعا بس بحط بردوا مكعب ماجى وبقطع لمونه ترنشات عليها طبعا ده اختيارى .
نيجى لمحشى الجزر
طبعا بتجيبى الجزر الصغير مفيهوش عوج وتقوريه زى البتنجان بالشكل ده
وبعدين تحشيه وفى حله تانيه ترصيه مع فلفل وبردوا شويه شوربه تسقيه بيها مع مكعب مرقه
وده الشكل النهائى للمحشى بعد ما خلص
وده شكله بالليمون اللى قولتلكم عليه