رصاصة الرحمة
لما تعرف أنك ماشى ...
فى سكة كلها رمل وحصى وطوب ...
ومش عارف تكملها ...
أو تعدى منها ... عمال تقع وتقوم ...
جرح ينزف ... وجرح مكتوم ...
وبعدك ماشيها ...
فى حاجة جواك ... بتقولك كمل ...
صحيح قلبك واجعك ... ورجليك مش شيلاك ...
ونفسك برضه مش حابه تتوب ...
فيه اللى أقوى منك ... بيشدك ... بيقويك ...
على كل ما عندك من أسباب ...
عشان ترجع من السكه دى ...
وأنت ولا على بالك ...
همك احساسك وبس ...
مش شايف حتى عينيك ... اللى دبلت من دمعك ...
وتعبك من سهر الليالى ...وحرقة قلبك ...
وحيرة حزينة ملهاش آخر ...
وبرضك ماشى ... تفرح خطوة ... وتبكى أتنين ...
وترجع تانى وتنسي إمبارح الجارح ...
ولا تسأل روحك ...
كنا وكانوا وبقينا فين ...
وبرضه ماشي ...
تأذى نفسك ...
بحصاويهم المرمية فى سكتهم ... ع الجنبين ...
وتيجى على ألمك ... بصبر مكانش له وجوود ...
وبعزيمة ... غباوتها عدت كل حدود ...
إيه المطلوب ...
عشان ترجع عن سكة العيوب ...
إيه المطلوب ...
عشان تبعد عن الغروب ...
إيه المطلوب ...
عشان تجمع عزالك وتتوب ...
لو رصاصة الرحمة تنفع ...
أرميها فى صدر إحساسك الغبى ...
أرحم من عشرة الكذوب ...