ادم دلع زوجتك ولاتعايرها بجسمها

السلام عليكم ورحمة الله وبركاته

.

موضوع اليوم هام وحساس ومؤثر للكثير من الزوجات

((( دلعها وسايرها وبجسمها لاتعايرها .. هام لكل زوج )))

.

للاسف كثير من الازواج ماعنده غير تحطيم زوجته

اي شي تسوي له مايعجبه وتلاقونه كل شوي رامي كلمه عليها

انتي دبه

.

ليش شعرك كذا

ليش فيه سواد بجسمك

ليش لبسك مو حلو

انتي ماعندك ذوق باللبس ولا كيفية التناسق واختيار الالوان

انواع التحطيم اللي بصراحه ماله داعي

يااخي ماتزوجتك عشان تحطمها او تذلها انت تزوجتها وهي عاجبتك كلها

لكن بعد الزواج تغيرت وزاد وزنها لكن السبب منك

ايه منك انت

ساجنها بالبيت لاتروح ولاتجي وتقول ليش انتي دبه ومترهله

كل شي بيدك اخوي تبيها رشيقه بتكون تبيها دبه تكون حسب اسلوبك وحياتك معها

من تجي انت للبيت تتغدى وتنام وبعدها تقوم وكل طلباتك مجابه وتعطيها ظهرك وتطلع لاخر الليل وتجي تدور فراشك

.

ليش لك كرشه مع انه له كرشه وبطن وش كبره ويمكن اكبر بس مسكينه ماتقدر تقول شي

ليش وليش

وانت بيدك تقدر تغيرها وتخليها رشيقه

انا ماانكر ان فيه حريم مهملات لكن التشجيع له دور شجعها مهما سوت عشانك لاتحطمها

وشوف كيف تهتم بنفسها لان اهم شي تشحن همتها ومعنوياتها وراح تسوي اي شي عشان ترضى عنها

طلعها كل يوم بالليل للممشى وخلها تمشي ساعه ساعتين ثلاث وشوف جسمها بعد شهرين ثلاثه كيف يصير

وبعد ماترجعون كملو تمارين لشد البطن والجسم بالبيت

حط نفسك مكانها لو كنت بعملك مهتم وجاء مديرك عندك ورمى كلمه عليك وقال لك

انت مهمل ومطنش عملك وماتشتغل زين رغم انك مجتهد وش راح يكون ردة فعلك ؟

اكيد بتتحطم وتجلس ماتسوي شي لان مافيه تشجيع اجل كيف زوجتك تمصخرها بالاخير تجلس قدام

التلفزيون وترتز وعيونك طايره وتكمل تحطيم وتهز معنوياتها بقولة تعالي شوفي وش حلو هذي

وش حلاة جسم هذي وهذا الغلط والمصيبه اللي كثير من الرجال يوقعون فيها

لو شفت اسكت ونقطها بسكاتك اصرف ماله داعي تنرفزها بكلام بس يسوي مشاكل بينكم

ترى ربي خلق لها عيون وتشوف زيك بس عندها خجل وخوف على بيتها اكثر منك

اتمنى من كل زوج يحذر من رمي الكلام اللي ماله داعي على زوجته والتفاهم هو اساس العلاقه الزوجيه الناجحه

والله الكلمه الطيبه لها مفعول سحري بينكم