طرق الوقايه من فيروس سي و امراض الدم
طرق الوقايه من فيروس سي و امراض الدم
النصائح دي مهمه جدا سواء عندك حد مريض بفيروس سي او اي مرض بينتقل بالدم او ما عندكيش
مجرد الف باء وقايه من عدوي امراض كتير منتشره و خطيره جدا
- لما تروحي لطبيب الاسنان تحديدا اتاكدي انك في عياده نظيفه و ان الادوات المستخدمه كلها اما معقمه و خارجه حالا من فرن التعقيم او للاستعمال مره واحده و مغلفه و الكلام ده مش لطبيب الاسنان بس كمان لو عند طبيبه نساء و بتكشف كشف داخلي و حتركب لك لولب مثلا اتاكدي من تعقيم الادوات
من اهم اسباب الوقايه استعمال الادوات الشخصيه و لا تسلفيها لحد حتي في داخل الاسره الواحده ( ماكينه الحلاقه / فرشاه الاسنان/ القصافه ) طبعا الكلام ده ينطبق علي ادوات الباديكير و الملقاط و السيلك ابيل .. بلاش تسلفيها لحد و لو رحتي الكوافير تاخدي ادواتك معاكي و لو في استخدام للموس يكون لسه خارج من ورقته و لما يخلص استخدامه يترمي ما تتهاونيش ابدا ابدا في المواضيع دي ادوات الباديكير مش غاليه لكن مشاركتها في صالونات التجميل خطر جداااا ممكن تكون اللي قبلك مريضه و هي ما تعرفش
حذري اطفالك من اللعب بالادوات الحاده او في الشارع او اي حاجه ممكن تجرحهم
الحجامه ما تتعملش في اي مكان في ناس متخصصه و اماكن وزاره الصحه بتشرف عليها .. بلائ الاماكن المجهوله و العيادات اللي فيها شبهه عدم نظافه
التبرع بالدم يكون في اماكن موثوق فيها و التأكد من مصدر الدم اللي حيدخل لجسمك لو احتجتي في عمليه جراحيه لا قدر الله و كمان العمليه تتعمل في مكان موثوق منه
النظافه الشخصيه و غسل اليد كذا مره خلال اليوم و في صابون مضاد للبكتربا ممكن تستخدميه في منزلك بدل الصابون العادي بيساهم في في تقليل فرص العدوي باي قيروس او بكتريا
نقطه اخيره و مهمه .. الفيروس ممكن جدا جدا يتنقل بين الزوجين خلال العلاقه الزوجيه علشان كده اذا اكتشف احد الزوجين اصابته بالمرض لازم الطرف الثاني يعمل تحليل فوري و مراجعه الطبيب في اقرب وقت .. كمان لو الام مريضه اثناء الحمل يجب مراجعه الطبيب لان البيبي بيكون وارد جدا انتقال العدوي ليه اثناء الولاده
شفي الله كل مرضانا و متعنا جميعا بالصحه و العافيه يا رب
الإثنين أبريل 20, 2015 8:41 am من طرف نيكيتا
المزاج
