نصائح للبكرية من تجربة شخصية
نصائح للبكرية من تجربة شخصية
اولا مبروك لكل حامل والله يهون عليها ويسهل ولادتها
هاذي النصائح حبيت اكتبها لكم لاني مريت في هاذي التجربة وابي افيدكم
ومابي منكم الا الدعاء لي
معليش حبيباتي يمكن الموضوع جريء شوي بس والله مابيكم تمرون في الاخطاء الي سويتها في ولادتي الاولى
بالنسبة للدفع هاذي الكلمة تبي تقولها لك الدكتورة اذا انفتح الرحم عندك 10 سانتي
وش المقصود بالدفع هو التعصر وبالعامية ( التزحر )
ليش تسوين كيذا علشان تساعدين الجنين على الطلوع
طيب نجي للطريقة والخطاء الي انا سويتة في ولادتي الاولى
انا يوم قالتلي الدكتورة ادفعي دفعت بس دفعت غلط لاني دفعت على المهبل بما ان الطفل في الرحم قلت في نفسي اكيد انة الدفع يكون من المهبل علشان هو يطلع من المهبل بس كيذا الطريقة غلط وتتعبين نفسك ويروح مجهودك على الفاضي
الطريقة الصحيحة
هي الدفع على الاخراج الحمام فهمتو علي
يعني سوي زي ماتسوين اذا جيتي بطلعين الاخراج بس بقوة
ثاني شي نجي للخياطة
الي تجي بعد الولادة لازم تسترخين والدكتورة تخيطك عارفة ليش لانك اذا شدتي وهي تخيطك اذ خلصت ورخيتي وصرتي طبيعية راح تحسين بالم وكأن شي يشدك مكان الخياطة وهذا الغلط انا سويتة شديت لاني كنت خايفة والمشكلة الاحساس بالام كان في الاول وتطور الوضع وصرت ماحس بالراحة يعني متضايقة والحمدلله راح الاحساس هاذا بعد ولادتي الثانية لاني تبت واسترخيت وهي تخيطني
ثالث شي انتبهي من الشمم
قبل ماتروحين للمستشفى اشربي كمون وتشطفي فية
لانة اذا اشتميتي ماراح ينفتح عندك الرحم حتى لو معك طلق
الطريقة كاس ماء دافئ ضعي فية ملعقة كبيرة كمون وخلية 10 دقائق وصفية
رابع شي
اذا خلصتي والدة وطلعتي للبيت
سوي هاذي الطريقة من مميزاتها ماتشتمين تعقم مكان الخياطة وتخفف الالم
الطريقة زيت زيتون وخوا جوا صفيها وحطيها في علبة في الحمام
كل مادخلتي الحمام الله يعزكم حطي في قطنة من الزيت والخو جوا ومررية على الخياطة واعصري شوي على الفوطة
والله يابنات هاذي الطريقة رهيبة
بس انا في ولادتي الاولى ماسويتها كنت خايفة ماقدرت اقرب من عند الخياطة
بس الله لايوريكم تعبت رجلي انشدت من الشمم وقعدت اسبوعين مقدر اجلس من الالم
بس في ولادتي الثانية على طول من طلعت من المستشفى وانا استخدمها ماشاءلله
ارتحت حسيت بالراحة فرق وبعد 7 ايام صرت اقدر اجلس
حتى والله يابنات بعد 20 يوم رحت للدكتورة مراجعة يوم كشفت علي داخلي قالت ماشاءلله ماتحتاجين لكريم مضاد حيوي
وهاذا الكريم معروف يوصف لكل والدة اذا جت تراجع الدكتورة انا في ولادتي الاولى اعطتني اياة
اتمنى انكم تستفيدون
الإثنين أبريل 20, 2015 8:41 am من طرف نيكيتا
المزاج